Hjónabandið í hnotskurn... eða hvað?

 

 Marriage (Part I)

Typical macho man married typical good-looking lady, and after the wedding, he laid down the following rules:

  • 'I'll be home when I want, if I want and at what time I want -- and I don't expect any hassle from you.
  • I expect a great dinner to be on the table unless I tell you that I won't be home for dinner.
  • I'll go hunting, fishing, boozing, and card-playing when I want with my old buddies, and don't you give me a hard time about it.

Those are my rules. Any comments?'

His new bride said:

'No, that's fine with me. Just understand that there will be sex

here at seven o'clock every night...whether you're here or not.'

(DARN SHE'S GOOD!)

------

Marriage (Part II)

Husband and wife had a bitter quarrel on the day of their 40th wedding anniversary!

The husband yells, 'When you die, I'm getting you a headstone

that reads, 'Here Lies My Wife -- Cold As Ever'!'

 

'Yeah?' she replies. 'When you die, I'm getting you a headstone

that reads, 'Here Lies My Husband -- Stiff At Last'!'

(HE ASKED FOR IT!)

--------


Hóran þín!

 

''Ég er að fara að gifta mig jeeiiii''.

Klara kom með tilkynninguna um leið og hún gekk inn um dyrnar á kaffihúsinu, þar sem Beta og Systa sátu og biðu eftir henni. Hún veifaði handleggjunum eins og gæsarungi við fyrstu flugtilraun. Vinkonur hennar störðu vantrúaðar upp til hennar.

''Ha!?. Hvenær''? spurði Beta gáttuð.

''Já hvenær'', bergmálaði Systa. ''Þú ert örugglega að tala um verðbréfagæjann þarna.. Steingrímur er það ekki?''

Klara horfði á þær með vanþóknun. ''Já Steingrímur. Maður myndi nú halda að þið gætuð munað nafnið á kærastanum mínum''.

Betu var misboðið. ''Halló!'' sagði hún og bankaði laust á hausinn á Klöru. ''Þú ert búin að vera svo stutt með honum að þú hefur ekki einu sinni fundið tíma til að kynna manninn fyrir okkur''.

Klara  lyfti höndunum eins og sér til varnar. ''Ég veit, ég veit róleg ma'r. Þetta verður sennilega stysta trúlofun sem sögur fara af á Íslandi''. Hún hló við.

''Það held ég hljóti að vera'', sagði Systa og hristi höfuðið vantrúuð. ''Hvað er eiginlega málið''!!? Hún klóraði sér á vinstri handleggnum eins og hún gerði gjarnan þegar hún var í uppnámi.

Klara teygði sig yfir hringlaga borðið og strauk henni um vangann. ''Þetta verður allt í góðu elskan mín. Róaðu þig niður''.

Systa var pirruð og áhyggjufull og vék sér undan snertingunni. ''Ég meina hvað segja mamma þín og pabbi eiginlega'', sagði hún en sá eiginlega eftir spurningunni. Auðvitað voru herra Karl og frú Steingerður hæstánægð með ráðhaginn því gaurinn var víst moldríkur. Þau voru snobbhæns frá helvíti, þetta fólk.

Enda hirti Klara ekki um að svara þessu.

''Honum liggur bara á'', sagði hún glaðhlakkalega.

''Engum karlmanni liggur svona á að komast í hjónaband'', sagði Beta með áhersu og fékk sér sopa af kaffinu. Hún gretti sig örlítið. Sumpart vegna þess að kaffið var hlandvolgt og sumpart af vantrú.

Klara hló. Það var greinilegt að hún réði sér varla fyrir ánægju. ''Hann getur ekki beðið eftir að komast í rúmið með mér''.

Vinkonur hennar horfðu á hana og svipurinn gaf til kynna að þær væru undir meðallagi í greind.

''Hva er hann kaþólikki eða eitthvað'', stundi Beta.

Klara tísti. ''Nei ertu rugluð. Ég sagði honum að ég væri hrein mey''. Hún ók sér til í stólnum og beið eftir sprengjunni.

''Þú ert biluð'', tautaði Systa. ''Þú ert ekki hrein mey''.

''No shit Sherlock'', sagði Klara og náði ekki bjánaglottinu af andlitinu. ''En ég festist bara einhvern veginn í þessari lygi. Hef ekki hugmynd um hvernig það gerðist''

. Hún var skyndilega orðin áhyggjufull. ''Haldiði að mér eigi eftir að hefnast fyrir þetta? Þetta skipti hann bara svo miklu máli. Eiginlega öllu máli'', bætti hún hljóðlega við. ''Og ég elska hann''.

Þær sátu þögular og hver hugsaði sitt.

''Þú verður að segja honum þetta'', sagði Beta að lokum. ''Ef hann elskar þig líka, þá er enginn skaði skeður''.

-------------------------

Klara horfði vongóð upp til Steingríms. Elskaðu mig, sagði hún með augunum.

Helvítis hóran þín, æpti hann. helvítis andskotans hóran þín. Dettur þér í hug að ég giftist þér núna! Djöfulsins druslan þín.

Hann var sótsvartur í framan af heift og Klara varð hrædd. Hún skyldi að hún þekkti þennan mann ekki neitt. Þetta var bara djók sagði hún hikandi. Ég meina.. ekki ert þú hreinn sveinn.

Steingrímur tók bakföll og hló þeim óhuggulegasta hlátri sem Klara gat ímyndað sér. Ertu rugluð þrumaði hann. Það er nóg af tussum til að sofa hjá. Hórum skiluru! En ég ætla ekki að giftast einni slíkri.

Hann snerist á hæli, rauk út og skellti á eftir sér hurðinni.

Klara starði á dyrnar og vissi ekki hvort hún átti að hlægja eða gráta. Hvernig átti hún að útskýra þetta fyrir foreldrum sínum?

Hún hugsaði sig um og komst að niðurstöðu. Fjandinn hirði þau. Og fjandinn hirði Steingrím. Gangi honum vel að finna konu sem hann teldi ekki hóru.

 

 

 

 


mbl.is Hjónaband ógilt í Frakklandi vegna ósannsögli um meydóm
Tilkynna um óviðeigandi tengingu við frétt

Er ég nógu falleg?

 

Rannveig horfði gagnrýnisaugum á sjálfa sig í speglinum. Hún var nakin og vissi sjálf að hún var falleg. Glæsilegur líkami hennar naut sín vel í daufri birtunni frá lampanum á náttborðinu. Langir fótleggirnir og sléttur maginn voru þeir líkamspartar sem hún var ánægðust með.

En var hún nógu falleg til að vinna þessa keppni? Ungfrú Ísland.

--------------

Titillinn var eitthvað sem komst á stefnuskrá Rannveigar snemma í lífinu. Hún tilkynnti foreldrum sínum þá stefnu, aðeins fjögurra ára gömul. Hún horfði þá hugfangin á allt í sjónvarpinu sem hafði með fallegar konur  og erlendar prinsessur að gera og klippti myndir út úr tískublöðunum sem móðir hennar var áskrifandi að.

Híhí skríkti mamma hennar í öllum kerlingaboðum. Verst að það skuli ekki vera hér fegurðarsamkeppnir barna. Hún Rannveig mín er svoooo efnileg skiljiði.

og hún dúllaði og dúttlaði við dóttur sína. Fór sérstaklega í utanlandsferðir til að komast í flottustu og dýrustu barnafataverslanirnar og fyllti fataskápa barnsins af alls kyns fatnaði sem hvorki hæfði aldri né skapgerð barnsins. Sannleikurinn var nefnilega sá að Rannveig hafði löngu fallið frá barnalegum draumum sínum um titla er sneru að fegurð. Hana dreymdi um að verða dýralæknir og æðsti draumurinn var að opna eigin stofu. En hún kom sér ekki að því að segja mömmu sinni frá því. Hreinlega þorði það ekki. Til þess var móðirin alltof áköf í að plana fegurð dótturinnar.

Því var svo komið, eftir áralanga baráttu, er Rannveig var 16 ára, að hún hafði varla sjálfstæðan vilja lengur. Auðveldast var að láta undan kröfum móður sinnar og stöðugum aðfinnslum  til að fá frið. 

Stattu bein. Réttu úr bakinu. Hvað er að sjá á þér hárið krakki? Settu nú á þig aðeins meiri kinnalit. Hefurðu bætt á þig manneskja!

Svo fyllti hún eldhússkápana af alls kyns heilsufæði, lífrænt ræktuðu grænmeti og ávöxtum og sendi Rannveigu í ræktina níu sinnum í viku. ''Það dugar ekki að þú safnir skvapi, stelpa'', sagði hún og gretti sig.

''Mamma, mig langar í hamborgara', sagði Rannveig hljóðlega. ''Og franskar kartöflur'' bætti hún við í huganum.

Móðirin tók andköf af skelfingu. Hún greip í handlegg dóttur sinnar og hristi hana til. ''Ertu brjáluð barn''. Við erum svona langt frá takmarkinu og þú vilt spilla öllu með sveittum hamborgara''. Hún hélt á lofti vísifingri og þumli með tveggja sentimetra millibili til að sýna hversu stutt væri í að allir hennar draumar rættust.

Rannveig fann lausnina. Hún borðaði það sem hún vildi þegar mamma hennar var hvergi nærri og kastaði því svo upp á eftir.

Henni fannst hún hafa himinn höndum tekið. Á þennan hátt gat hún bæði átt kökuna og étið hana. Haldið bæði sér og mömmu ánægðri.

Á sautjánda ára afmælisdag Rannveigar var haft samband við hana og hún beðin um að taka þátt í keppninni um titilinn eftirsótta: Ungfrú Ísland.

Mamma hennar var hálf hysterísk af kæti og bauð henni í utanlandsferð til að halda upp á þetta.

Rannveig hafði lítinn áhuga á að eyða heilli viku með móður sinni og éta kál í erlendri borg. En hvað gat hún gert.

Svo hófst undirbúningur keppninnar og mamma hennar vaktaði hana eins og ugla myndi músarunga. ''Þú verður að losa þig við 5 kíló'', elskan mín sagði hún. ''Slepptu bara prófunum. Þú getur tekið árið upp aftur. Svona tækifæri kemur bara einu sinni á ævinni og þú þarft að eyða öllum þínum tíma í ræktinni. Lærin á þér eru of slöpp''. Hún sló í rassinn á dóttur sinni og skríkti eins og fáviti.

Rannveig var orðin eins og viljalaust verkfæri í höndum móður sinnar. Hún gaf skít í prófin en innra með sér grét hún fögrum tárum. Einu góðu stundirnar sem hún átti var þegar hún faldi sig inn í þvottahúsi með kleinuhringi, kartöfluflögur og heilu lítrana af rjómaís. Svo kastaði hún upp þangað til hún hélt að lifrin og lungun ætluðu upp úr sér.

------------

Hún horfði vandlega á líkama sinn í speglinum kvöldið fyrir fyrstu æfingu á sviðinu. Hún kveinkaði sér við því sem hún sá. Of feit læri. Mjaðmaspik og síður rass. Tárin byrjuðu að renna í stríðum straumum.

''Þú ert aumingi,'' æpti hún á spegilmynd sína. ''Þú getur ekki látið sjá þig innan um allar fallegu stelpurnar. Hvað heldurðu að fólk haldi. Að þú sért geðveik''.

Hún hóf að klípa sjálfa sig um allan líkamann og hendur hennar skildu eftir naglaför og rispur. Hún greip skæri og ætlaði að byrja ráðast á síða hárið sitt þegar hún heyrði andköf fyrir aftan sig.

Rannveig snerist á hæli og mætti augnaráði móður sinnar. 

ÞÉR FINNST ÉG FEIT FEIT FEIT FEIT OG ÓGEÐSLEG ER ÞAÐ EKKI !!! Öskraði hún örvæntingarfull að móðurómynd sinni. Svo seig hún saman og horfði bænaraugum á hana; ''Segðu að þú elskir mig'', bað hún. ''Segðu að þú elskir mig eins og ég er''.

Hún skjögraði í átt að mömmu sinni með útrétta handleggi. Leyfði sér í eitt stutt andartak að láta sig dreyma um hlýjan og huggandi móðurfaðm.

Mamma hennar greip báðum höndum fyrir munninn á sér til að kæfa skelfingarópið. ''Hvernig gastu leynt mig þessu'', hvíslaði hún.

Rannveig grét. Viðþolslaus af harmi. Hún gat ekki afborið hryllinginn sem skein úr svipnum á móður hennar. Hún hóf höndina á loft og rak skærin á kaf í brjóstið á sér.

Ber líkami hennar féll í gólfið. Mamma hennar taldi rifbeinin og horfði með vandlætingu á útstandandi mjaðmabeinin.

''Jahérna stelpa'' sagði hún með þjósti. ''Þú kemst ekki í verðlaunasæti með þennan kropp. Það er nokkuð ljóst''.

 

 


mbl.is Alexandra Helga valin ungfrú Ísland
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband